وهذا الأخضر لي لعب جهزو كاس الذهب

.

/

.

أحب أبارك لمنتخبنا الغلي فوزه الساحق وتأهله لنهائيات كاس العالم ,,

ياناس محد يتصور قد ايش انا فرحانه ,,

والله ماكنت افتهم في الكوره اي شي ولا تجذبني ابد ابد ,, بس والله من بعد الأخضر صرت الغي كل مواعيدي فتره المباراة << ترفقي يالوليد خخخخ

بس بجد بجد ماقصرو الأخضر .. 

.

/

.

أذكر قبل فتره مسكت معي غلط وقلت لازم اعيش جو  الشباب السعودي ,, واتخيل اني ولد واشوف كيف راح اتصرف  خخخخخ

بصراحه ماكان في مجال اني اعيش هالتجربه غير في النت

رحت سجلت في أحد المنتديات النايمه اللي لا تهش ولا تنش خخخخخ

وطبعا كان لي يوزر فيها باسم بنت وكان لي مشاركات فيها لابأس بها ,, ورحت سجلت بيوزر ولد وسويت له توقيع عربجي عباره عن صورة هايلكس واقفه على جنب <<< تبغى تعيش الدور بقوه خخخ

واروح واتملعن في كل الاقسام        والله يا اني رفعت فيهم

وكنت كل يوم اقرى جريدة الرياضيه عشان اخرشهم في الرياضه ,, وقعدت اسبوع وانا احفظ اسماء الفرق وتاريخ انشاءئها والظروف المناخيه اللي حدتها على هالمجال

بصراحه كانت وناسه بس بعد اسبوعين طفشت :( ... وقلت لازم اسوي اكشن ما يصير كذا وش ذا الملل

طبعا رحت الجاده وقعدت اخربط عليهم وسويت حالي من معارضين كل شي من حقوق المرءه ,, واسوي تسجيل خروج وادخل بيوزري الصدقي خخخخ ,, واقعد اهزء نفسي في ذاك الموضوع   

وكل يوم على هالحال كل يوم يتهاوشون يوزراتي على اتفه سبب ويستقعدون لبعض ,, حتى اذكر مره من المراريت دخلت بيوزري الولد وقعدت اهدد يوزري الصدقي اني اقول اسم صاحبته في المنتدى وافضحها 

بس الحمد لله في الاخير تدخلو اخواننا الأعضاء واصلحو بيني وبين نفسي

وحلفت اني لاعزم نفسي على عشا  يعنني طاح الحطب

    

بس تصدقون في النهايه حسيت حالي بديت اميل الى نفسي وصرت دايم افكر فيني ,, وصرت ارسل رسايل خاصه على نفسي واشوف متى ادخل وليش غايبه

بس في النهايه تخيلو اني انصدمت فيني ... تخيلـ.....ـــوا؟؟ 

    

.
.
.
.

تخيلو ان نفس طلعت بنت مو ولد    قسم بالله جاتني صدمه مني ؟؟

طيب ليش اضحك على نفسي وليش ... وليش... وليـ ...تششششش

 

 

 

 

 

 

 

عفوا ... عزيزي القارئ ان أحلفي مصابه بانفصام حاد بالشخصيه .. الرجاء الخروج من هنا سريعا قبل لا تنتقل لك العدوى ثم نبلش بك

    

ههههههه اليوم يا حلوين بحكيلكم عن قصة حب تجتاحني كثير ,,

فهي قصة حبي الابديه ..يا ويل حالي احس ان قلبي بيطير من الفرحه وانا اكتبلكم عن هالشخص

 

اكيد كلكم متحمسين تبغون تعرفون وش عجبني في هالشخصيه؟؟ صح

   بالله تكفون قولو انكم متحمسين الله يخليكم

 

يا ناس تخيلو ان هالشخصيه منفتحه على العالم وعليها حظ يكسر الصخر,, وفوق هذا وهذا شخصيه طيووووووووبه وتحب المساعده

<<< ويلوموني فيها  

عادة هذي الشخصيه  ماتدور النفوذ والسلطه ولا الثروه والجاه فكل هذي الامور ما تهمها ابد ,,ولاكنه يحمل في قلبه الرضا ويعرف ان رزقه اللي انكتبله بيجي لا محاله.

عادة هالشخصيه هادئه بشكل لا يمكن استفزازه ابد <<احلى شي قسم خخخخ

 

هالشخصيه من يومها صغيره وهي ما تحب الزحمه ولا المنافسه ,, لاكن بذكاء يعرف كيف يحتل مركز مرموق في المجتمع

فيه خفة دم سبحان اللي خلقه  حتى لما احد يحرجه تلاقيه ينكت خخخخ,, وسبحان الله محد يزعل من تنكيته حتى لو كان قوي خخخخخخخ

 

فيه طيبة قلب سبحان اللي خلقه حتى من طيبة قلبه وحبه للمساعده ما يفرق بين اللي يستاهل واللي ما يستاهل ,,

دايم يسوي حاله ماهمه ولا يرجع يعيد حساباته <<مكابر خخخ ,, بس عادة يخفي ورى هالوجه وجه عاطفي وقلب جريح

لا تستطيع ان تحصل منه على جواب واضح دايم يحاول التمويه في الالفاظ خخخخ

 

يا ناس اموت في هالشخصيه اللي هي أنا بالله تلوموني فيني خخخخخخ

قسم بالله اني اهبل مووووووووت ,, والله اني ادمنت نفسي ,, شكلي بروح اتعالج في مستشفى الامل خخخخخخ

وهذي هديه بسيطه مني الى نفسي خخخخ

 

http://sabra.4t.com/ABR/ABR12.htm

 

بكل الحب احييكم في صفحتي المتواضعه,,

ربما تتسائلون ما الغرض من وجود هذه الصفحه؟؟ ..

فقط أحب ان اخبركم ان هذه الصفحه تعني الشي الكثير لي ,, فهي كالحجره الصغيره

التي الجاء اليها من حين الى آخر لأعبث بحروفي فيها ..

حينما كنت في الرحله الابتدائيه كانت تكفيني لعبتي العزيزه "باربي" لتنصت الى جنون افكاري

وحين كبرت واصبحت في المرحلة المتوسطه والثانويه كنت اطبق ذاك الجنون عمليا

         <<باختصار كنت حفله 

 

أما الان اعتقد حان الوقت لاظهار بعض الجديه التي شكك البعض بوجودها في حياتي

((قسم بالله ان عندي اهتمامات زيكم بس عطو سداح فرصه )) 

اتمنى لكم قضاء اسعد اللحظات في ردهات مساحتي

ولا تقطعون رجلكم عنا 

 

أما الان الى انطلقو الى كل زاويه في الصفحه

والعبو واستانسو ,,, بس لا احد يخرب شي تكفون ,, ترى الفرش دوبه جديد

           <<حيد بالله لا تلعبين في الدقيق فشلتينا