وهذا الأخضر لي لعب جهزو كاس الذهب

.

/

.

أحب أبارك لمنتخبنا الغلي فوزه الساحق وتأهله لنهائيات كاس العالم ,,

ياناس محد يتصور قد ايش انا فرحانه ,,

والله ماكنت افتهم في الكوره اي شي ولا تجذبني ابد ابد ,, بس والله من بعد الأخضر صرت الغي كل مواعيدي فتره المباراة << ترفقي يالوليد خخخخ

بس بجد بجد ماقصرو الأخضر .. 

.

/

.

أذكر قبل فتره مسكت معي غلط وقلت لازم اعيش جو  الشباب السعودي ,, واتخيل اني ولد واشوف كيف راح اتصرف  خخخخخ

بصراحه ماكان في مجال اني اعيش هالتجربه غير في النت

رحت سجلت في أحد المنتديات النايمه اللي لا تهش ولا تنش خخخخخ

وطبعا كان لي يوزر فيها باسم بنت وكان لي مشاركات فيها لابأس بها ,, ورحت سجلت بيوزر ولد وسويت له توقيع عربجي عباره عن صورة هايلكس واقفه على جنب <<< تبغى تعيش الدور بقوه خخخ

واروح واتملعن في كل الاقسام        والله يا اني رفعت فيهم

وكنت كل يوم اقرى جريدة الرياضيه عشان اخرشهم في الرياضه ,, وقعدت اسبوع وانا احفظ اسماء الفرق وتاريخ انشاءئها والظروف المناخيه اللي حدتها على هالمجال

بصراحه كانت وناسه بس بعد اسبوعين طفشت :( ... وقلت لازم اسوي اكشن ما يصير كذا وش ذا الملل

طبعا رحت الجاده وقعدت اخربط عليهم وسويت حالي من معارضين كل شي من حقوق المرءه ,, واسوي تسجيل خروج وادخل بيوزري الصدقي خخخخ ,, واقعد اهزء نفسي في ذاك الموضوع   

وكل يوم على هالحال كل يوم يتهاوشون يوزراتي على اتفه سبب ويستقعدون لبعض ,, حتى اذكر مره من المراريت دخلت بيوزري الولد وقعدت اهدد يوزري الصدقي اني اقول اسم صاحبته في المنتدى وافضحها 

بس الحمد لله في الاخير تدخلو اخواننا الأعضاء واصلحو بيني وبين نفسي

وحلفت اني لاعزم نفسي على عشا  يعنني طاح الحطب

بس تصدقون في النهايه حسيت حالي بديت اميل الى نفسي وصرت دايم افكر فيني ,, وصرت ارسل رسايل خاصه على نفسي واشوف متى ادخل وليش غايبه

بس في النهايه تخيلو اني انصدمت فيني ... تخيلـ.....ـــوا؟؟ 

.
.
.
.

تخيلو ان نفس طلعت بنت مو ولد    قسم بالله جاتني صدمه مني ؟؟

طيب ليش اضحك على نفسي وليش ... وليش... وليـ ...تششششش

عفوا ... عزيزي القارئ ان أحلفي مصابه بانفصام حاد بالشخصيه .. الرجاء الخروج من هنا سريعا قبل لا تنتقل لك العدوى ثم نبلش بك